Visita á nova biblioteca de Toc-Tina!!

Ola, ola! 
Como estades? Eu encantada! Pásome por aquí para contarvos que o luns pasou todo o alumnado do cole pola nosa nova BIBLIOTECA. Os voluntarios e voluntarias fixéronnos un pequeno percorrido polos diferentes espazos cos que contamos:

- A zona de ordenadores e tablets, as cales podemos coller e sentarnos onde máis nos preste! Nas cadeiras, nos puffs e ata no chan...agora é quentiño!

- A zona do préstamo para o que non podedes esquecer os vosos carnés ou o voso número. Ao carón desta zona, dispoñemos dunha impresora 3D!!!!!

- O recanto para os máis peques rodeado de puffs, contos e un sofá que invita a deixar voar a imaxinación mentres ollas un libro.

- Conxunto de mesas para poder traballar en grupo, xogar, debuxar e ata facer os deberes...se é que os tedes!

- Un recanto para o LEGO cun gran panel, así como tamén un baúl cheo de disfraces.

- A zona de xogos, unha das vosas preferidas! Con novos xogos de inxenio e lóxica!

- E a zona de literatura, a miña preferida! A lectura fainos libres e pode levarnos a lugares tan marabillosos como aos que foi Mary Poppins ou voar tan alto como fixo Peter Pan.

A continuación déixovos un vídeo que amosa a gran ilusión coa que vivimos todos e todas este día!

Ah!! E non deixedes de escribir as vosas ideas e suxestións e deixalas no novo buzón para que as poida ler e ir mellorando cada día!!!

Aínda nos quedan detalles por rematar, así que cando estén listos os últimos retoques faremos unha gran inauguración á que por suposto estades tod@s convidad@s!!

Deica mañá!!

Toc-Tina